25+

იმ დროს საქართველოში სტაბილური ჰოსტინგ სერვისები პრაქტიკულად არ არსებობდა და ვებგვერდების დიდი ნაწილი უცხოურ სერვერებზე იყო განთავსებული. „პროსერვისმა“ ერთ-ერთმა პირველმა დაიწყო ადგილობრივი ჰოსტინგ ინფრასტრუქტურის შექმნა.

2003 წლის 2 მარტს კომპანიის ისტორიაში მნიშვნელოვანი ეტაპი დადგა — შპს „პროსერვისის“ ოფისში ოპტიკურ-ბოჭკოვანი ინტერნეტი შემოვიდა, რომლის ინსტალაციაც ინტერნეტ პროვაიდერმა „დელტა კომმა“ განახორციელა.

ამავე პერიოდში კომპანიამ განათავსა პირველი Shared Hosting სერვერი და გააფორმა პარტნიორობა ჰოსტინგის მართვის პანელის საერთაშორისო მომწოდებელთან — DirectAdmin.

პროსერვისის მიერ პირველი საერთაშორისო დომენების .com, org, net, info რეგისტრაცია განხორციელდა. ჩვენთან დარეგისტრირდა ისეთი დომენები როგორცაა kazbegi.com. natakhtari.com, lomisi.com და სხვები.

2007 წლის ნოემბერშში კომპანიამ საკუთარი ოფისი შეიძინა.

ეს მნიშვნელოვანი ნაბიჯი იყო როგორც კომპანიის იმიჯისთვის, ისე მომხმარებლებთან ურთიერთობის ხარისხის გასაუმჯობესებლად. ახალ სივრცეში მოეწყო მცირე მონაცემთა დამუშავების ცენტრი (Data Center), რომელიც სრულად აკმაყოფილებდა იმ დროისთვის კომპანიის ტექნიკურ მოთხოვნებს.

Serv.ge-ის შეძენა და ბაზრის ლიდერობა

ამ გადაწყვეტილებამ კომპანიის აბონენტთა რაოდენობა დაახლოებით 15%-ით გაზარდა და „პროსერვისი“ საქართველოში Shared Hosting სეგმენტის ერთ-ერთ ლიდერ კომპანიად ჩამოაყალიბა.

2012 წელს კომპანიამ შპს „ინტელკომ ჯგუფისგან“ შეიძინა hosting.ge-სა და unlimited.ge-ს აქტივები და მომხმარებლები.

ეს ეტაპი მნიშვნელოვანი იყო ბიზნესის მასშტაბირების თვალსაზრისით — გაიზარდა როგორც კლიენტთა ბაზა, ასევე შეთავაზებული სერვისების მრავალფეროვნება.

2017 წელს კომპანიამ მიიღო სტრატეგიული გადაწყვეტილება — აეშენებინა საკუთარი თანამედროვე მონაცემთა დამუშავების ცენტრი.

ამ მიზნით, სახელმწიფოსგან, აუქციონის წესით შეძენილი იქნა 1800 კვ.მ მიწის ნაკვეთი და დაიწყო საპროექტო სამუშაოები. პროექტზე მუშაობდა არქიტექტურული კომპანია Art House.

ეს იყო კომპანიის განვითარების ერთ-ერთი ყველაზე მასშტაბური და ამბიციური პროექტი.

2018 წელს შპს პროსერვისი .ge დომენის ოფიციალური რეგისტრატორი გახდა, ამასთან ამ პერიოდისათვის კომპანიის პორტფელში უკვე 1000 ზე მეტი დარეგისტრირებული საერთაშორისო დომენია.

2019 წელს დასრულდა ახალი მონაცემთა დამუშავების ცენტრისა და ოფისის მშენებლობა და შენობა ექსპლუატაციაში შევიდა.

დატა ცენტრი აღიჭურვა თანამედროვე ინფრასტრუქტურით:

• 500 კვ/სთ ელექტრო მომარაგებით;
• Schneider Electric-ის სასერვერო სისტემებით;
• დუბლირებული დიზელ გენერატორებითა და UPS სისტემებით;
• დუბლირებული გაგრილების ინფრასტრუქტურით;
• ტემპერატურისა და ტენიანობის მონიტორინგით;
• ხანძრის პრევენციისა და ავტომატური ქრობის სისტემებით.

ასევე, შენობაში შემოყვანილი იქნა საქართველოში მოქმედი თითქმის ყველა ინტერნეტ პროვაიდერის ოპტიკურ-ბოჭკოვანი კაბელი, რაც უზრუნველყოფს მაღალი ხარისხის და რეზერვირებული კავშირის არსებობას.

ამავე წელს კომპანიას შეუერთდა კიდევ ერთი ჰოსტინგ კომპანია - შპს „იუ ლუქი“, რომელმაც საკუთარი აქტივები „პროსერვისს“ გადასცა.

COVID-19 პანდემია მსოფლიო ბიზნესისთვის სერიოზულ გამოწვევად იქცა.

მიუხედავად რთული გარემოსა, შპს „პროსერვისმა“ უზრუნველყო სერვისების უწყვეტი მიწოდება და მომხმარებლებისთვის სტაბილური ინფრასტრუქტურის შენარჩუნება.

კომპანია განსაკუთრებულ ყურადღებას უთმობდა თანამშრომლების ჯანმრთელობასა და უსაფრთხოებას და აქტიურად უჭერდა მხარს ვაქცინაციის პროცესს.

2021 წელს კომპანიამ ეკოლოგიური მიმართულებით მნიშვნელოვანი ნაბიჯი გადადგა — ოფისის სახურავზე დამონტაჟდა მზის პანელები.

სისტემა დღეში საშუალოდ 27-29 კვტ/სთ ელექტროენერგიას გამოიმუშავებს და წარმოადგენს კომპანიის წვლილს განახლებადი ენერგიის განვითარების მიმართულებით საქართველოში.

პროექტი განხორციელდა კომპანია „მზეს“ მიერ, ხოლო თანადაფინანსება უზრუნველყო European Bank for Reconstruction and Development-მა.

კომპანიაში რეგისტრირებული .ge დომენების რაოდენობამ 15 000 გადააჭარბა. სულ საერთაშორისო დომენებთან ერთად კომპანიის პოტფელში 17 000 ზე მეტი დომენური სახელია.

პანდემიის შემდგომ პერიოდში, როდესაც ბაზარი ეტაპობრივად დასტაბილურდა, „პროსერვისის“ დატა ცენტრი არაერთმა მსხვილმა ორგანიზაციამ აირჩია.

კომპანიის კლიენტებს შორის აღმოჩნდნენ:
ბანკები, სადზღვევო კომპანიები, ინტერნეტ პროვაიდერები, ქსელური სუპერმარკეტები და სხვა ბიზნესის წარმომადგენლები

ეს გახდა კომპანიის ინფრასტრუქტურის საიმედოობისა და პროფესიონალიზმის მნიშვნელოვანი აღიარება.

შპს პროსერვსმა წარმატებით გაიარა სერტიფიცირება ISO 27001:2022 და ISO 27017:2015 სტანდარტების შესაბამისად!

ISO 27001:2022 - წარმოადგენს ინფორმაციული უსაფრთხოების მართვის სისტემას ორგანიზაციაში; იგი აუცილებელია ორგანიზაციის მთლიანი ინფორმაციული უსაფრთხოების მართვის სისტემის საერთაშორისო სტანდარტებთან შესაბამისობის უზრუნველსაყოფად;

ISO 27017:2015 - წარმოადგენს ინფორმაციული უსაფრთხოების მართვის სისტემას ღრუბლოვანი სერვისებისთვის და აუცილებელია პროექტების მონაცემთა უსაფრთხოების, ღრუბლოვანი ინფრასტრუქტურის დაცვის და საერთაშორისო სტანდარტების დაცვის გარანტიისთვის.

ეს არ არის უბრალოდ სერთიფიკატი, ეს არის ჩვენი ურყევი ერთგულების დასტური მონაცემთა უსაფრთხოების, ინფორმაციის მართვის და ღრუბლოვანი სერვისების დაცვის უმაღლესი სტანდარტებისადმი.

ISO 27001:2022 ადასტურებს ჩვენს ყოვლისმომცველ ინფორმაციული უსაფრთხოების მართვის სისტემას, ხოლო
ISO 27017:2015 ხაზს უსვამს ჩვენს მაღალ კომპეტენციას ღრუბლოვანი სერვისების უსაფრთხოებაში.

ამავე წელს კომპანიამ კიდევ ერთი კონკურენტი - ჰოსტინგ კომპანიის - „პროსერვ. ჯი“ -ს აქტივებიც შეიძინა, რითაც უფრო განიმტკიცა პოზიცია საქართველოს ჰოსტინგისა და ქლაუდ სერვისების ბაზარზე.

დღეს შპს „პროსერვისი“ წარმოადგენს ერთ-ერთ წამყვან ტექნოლოგიურ და ჰოსტინგ პროვაიდერ კომპანიას საქართველოში, რომელიც მომხმარებლებს სთავაზობს:

• Shared Hosting-ს;
• VPS/VDS სერვერებს;
• Cloud ინფრასტრუქტურას;
• Colocation სერვისებს;
• მონაცემთა დამუშავების ცენტრის მომსახურებას;
• ინფორმაციული უსაფრთხოების თანამედროვე სტანდარტებზე დაფუძნებულ ინფრასტრუქტურას.

კომპანია აგრძელებს განვითარებას, ინოვაციების დანერგვას და მომხმარებლებისთვის სტაბილური, უსაფრთხო და თანამედროვე ტექნოლოგიური გარემოს შექმნას.